mksqhrendeelrusr

ЈАПОНИЈА - Помеѓу нежните бои на пролетта
5.0/5 rating 1 vote

Маршута:  Скопје - Токио - Крајбрежен парк Хитачи - Нико - Парк на цвеќињата Ашикага - Ома (музеј на бонсаи) - Токио - Јокохама - ез. Ашиноко - ез. Кавагучи - Фуџи - Мацумото - фарма за васаби Даио - парк на мајмуните Џигокудани - Етно село Хида - Такајама - Кјото - Нара - Осака - *замок Химеџи - Осака - Токио - Скопје

14 дена / 11 ноќевања/11 појадоци / 10 вечери

   Период на патување: 16.04 - 29.04.2019

Кога ја споменуваме Јапонија, нашите сетила ни претставуваат затворена, романтична, сентиментална самурајска земја од ерата на Мејџи, но колку и љубоморно да ја чува својата традиција, таа оддамна не е само тоа. Силниот традиционализам на јапонците во контраст со брзата адаптација кон новото остава несекојдневни импресии. Јапонската инвентивност изградила нов свет – динамичен, футуристичен, понекогаш надреално чуден и толку зашеметувачки што предизвикува возбудувачки напад врз човечките сетила. И да, Јапонија е неспоредлива бидејќи наликува единствено на себеси! Нема друг народ како јапонците, кој што доживува толку чиста радост кога е во единство со природата. Силната рецептивност кон убавината ги направила емоционални – од тука доаѓа и обичајот на нацијата – ханами (уживање во убавината на цвеќињата), чија што цел е јасна – да се допреш до прекрасното и да го примиш во душата...

Ден 1 | Скопје / Токио
Состанок на групата на Меѓународниот аеродром во Скопје, 2 часа пред летот. Полетување кон Токио со едно преместување.

Ден 2 | Токио
Слетување во Токио на аеродромот Нарита. Пречек од страна на локален претставник во Токио. Превоз до хотелот и сместување. Ноќевање.

Ден 3 | Токио / крајбрежен парк Хитачи / Нико
Појадок. Започнува нашата авантура во земјата на изгрејсонцето и постои ли подобар почеток од тоа да се впуштиме во "земјата на цвеќињата" - крајбрежниот парк Хитачи (Hitachi Seaside park). На површина од 3.5 хектари, паркот во своите живописни ридови и ливади поседува едни од најубавите претставници на природната флора. Многубројните алеи се вкрстуваат и вијат од крај до крај, за да стигнете до Михараши но Ока. Како камелеон, секоја сезона паркот стекнува различен, но прекрасен шарен изглед кој секогаш е влијателен за очите и сетилата. Најголемиот настан во годината е "Хармонија на немофили", кога во текот на месеците Aприл и Mај брдото се покрива со син тепих - 4.5 милиони немофили расцутуваат и прават површината да изгледа како бескраен океан. Да не ги заборавиме и 170 - те вида лалиња во градината Тамаго но Мори, а исто така и милионите нарциси во градината Суисен, расцветани среде миризливи борови шуми. Се упатуваме кон Националниот парк Нико National Park Nikko (УНЕСКО), а нашите средби со природата продолжуваат. Во подножјето на вулканот Нантаи, каде што лавата ја затворила реката Акаива, се формирало најголемото езеро во паркот - Чузенџи. Тоа истекувајќи го формира исклучително убавиот водопад Кегон чии води се спуштаат од 96 метри во опасна бездна, на чие што дно се наоѓа вир длабок 20 метри. Сместување во хотел во гратчето Нико. Вечера. Ноќевање.

Ден 4 | Нико / храм Тошогу / парк на цвеќињата Ашикага / Музеј на бонсаи во Ома / Токио
Појадок. Една јапонска поговорка гласи "Ако не си видел Нико, не знаеш што е кеко". На јапонски "кеко" значи чудесно, прекрасно, а самото име Нико се преведува како "сончев сјај". Националниот парк Нико е едно од најстарите религиозни места во Јапонија, центар за поклонување на следбениците на шинтоизмот и будизмот. Овдешните светилишта и храмови се прифатени од УНЕСКО како светско културно наследство. Едно од тие места е храм комплексот Тошогу (Toshogu) изграден од шогунот Токугава Иејасу - основачот на моќниот Шогунат Токугава, кој владеел со Јапонија 250 години - време во кое што царувала стабилност и цветала јапонската култура - боречките вештини, филозофијата, литературата и чајната церемонија. За разлика од чистиот вообичаен стил за јапонските храмови, тука градбите се украсени со живописни бои, богато обоени сложени резби и позлатени. Најмногу верници и туристи се собираат пред зградата на која преку фигури на мудри мајмунчиња е илустрирана светски познатата фраза "не гледам ништо лошо, не слушам ништо лошо, не зборувам ништо лошо". Кон храмовите водат тории - надворешни украсни портали, карактеристични за традиционалната јапонска архитектура, кои ја симболизираат транзицијата и границата меѓу секуларното и светото. Мостот Шинко ("светиот мост"), дел од светилиштето Футарасан, е една од главните атракции во Нико. Се смета за еден од најубавите мостови во цела Јапонија поради неговата едноставна елеганција, контрастна со живописната клисура на реката, зелените ридови и брзата вода. Потоа следат раскази од историјата кои ќе не доближат до јапонската душевност, па ќе продолжиме да разлистуваме низ јапонското светогледие. Рефлексија на истото е волшебниот парк Ашикага (Ashikaga flower park) - со површина од 8.2 хектари тој демонстрира необични пејзажни решенија. Неговата убавина е божествена напролет кога цветаат илјади глицинии - познати како 'кралиците на паркот'. Тогаш воздухот во паркот се исполнува со волшебен меден мирис, а долгите цветови формираат вистински водопад од бели, виолетови, сини, розеви и жолти каскади. За нив се изградени посебни објекти кои ги засилуваат ефектите на спектаклот, како на пример 80 - метарскиот тунел од глицинии наречен "Пат на среќата", по кој како виножито се преливаат неверојатно убави и нежни бои. Цветниот тунел од бајките е извонреден пример за јапонската перцепција за убавината и архитектурата. И кога зборуваме за обожувањето на природата од страна на јапонците, не можеме да изоставиме една жива уметност, на која тие во свој стил се посветени со векови - воздржливо, трпеливо, истрајно создавајќи ја - да, мислиме на бонсаите. Во близина на паркот Ашикага во 2010 година е отворен Музејот на уметноста "Ома бонсаи" - првиот музеј посветен на оваа уметност. Тој се гордее со колекција од повеќе од 120 бонсаи создадени преку вештините и естетските чувства на мајсторите. Музејот се наоѓа во истоименото село, каде мирната атмосфера е запазена уште од времето кога е основан. Продолжуваме кон Токио, каде што ќе престојуваме следните две ноќевања. Вечера. Ноќевање. 

Ден 5 | Tуристичка обиколка на Токио
Појадок. Велат дека Токио (Tokyo) е местото кое што сиот свет го посетува со цел да добие претстава за тоа како ќе изгледа иднината. Огромен, жив и брз, Токио сè уште ги задржува јапонските традиции. На ова место, во големата низина Канто, пред околу 1.000 години никнало мало рибарско селце со името Едо ("речно устие"). Во 17 - тиот век Едо станува седиште на моќните шогуни Токугава, а главен град на Јапонија - дури во 1868 година, кога императорот се преселил од Кјото во Едо и го преименувал градот во Токио ("источна престолнина"). Тогаш започнува реформата на императорот Меиџи, со која шогунатот бил укинат и Јапонија започнала да се отвара кон светот. Периодот до неговата смрт односно до 1912 година е познат како "Периодот Меиџи". Една од најстарите населби - Асакуса (Asakusa), наречена "оаза од старо Едо" е местото каде што големите блескави витрини од пред храмовите не потсетуваат дека Јапонија освен што е модерна и динамична, е и земја со богата и древна култура. Во населбата се зачувани стари храмови од времето на самураите, острите мечеви, геишите и чајните церемонии, а еден од нив е завршен во 645 - тата година, Сенсо - џи, познат и како храмот Канон посветен на будистичката божица на милосрдието. Тој е најстариот и најпрочуен будистички комплекс, со своите комплицирано орнаментирани портали, сали и пагоди, распоредени меѓу парковите и градините. За да влеземе во дворот на храмот каде што не очекуваат главната зграда и петкатната пагода (55 m), минуваме низ двете порти Каминаримон (Вратата на грмотевиците) и Хозомон (Вратата на ризницата), поврзани преку малата шарена уличка Накамисе - една од најстарите трговски улици во Јапонија. Нашaта прошетка низ стариот кварт продолжува покрај Императорскиот дворец, кој е изграден на местото на поранешниот дворец Едо. Тоа е воедно и резиденција на јапонското императорско семејство. Дворцевиот комплекс е ограден со ѕидини, опкружени со широк ров, полн со вода, над кој е изграден мостот Ниџубаши (Двојниот мост), каде што се наоѓа императорската стража. Се упатуваме кон раздвижената област Ропонги каде што се наоѓаат три од највисоките згради во Токио, меѓу кои е познатата “Токио Тауер” (Tokyo Tower) (копија на Ајфеловата кула, висока 333 метри). Ќе застанеме за фото пауза пред овој симбол на преродбата на земјата како светска економска сила. Денешната тура ќе заврши на улица Гинза (Ginza) - луксузниот центар на модата, дом на Сони билдинг - зградата (позната како излог на авангардни технологии), најбројната и најсветлата токијска улица каде трговците со поклони и насмевки прават странецот да се чувствува како цар. Слободно време во кое целосно можете да се посветите на светот на облакодерите. Во квартот Шибуја секогаш се појавуваат многу забавни трендови и трендови од јапонската мода. Ексклузивен колорит дава најпрометната раскрсница во светот "Хачико". Улиците на Шинџуку се олицетворение на нашата претстава за Токио - билборди, неонски светла и највисоките облакодери во Јапонија. А од неодамна во населбата Симуда има и нова атракција - завршена во 2012 година, кулата "Небесно дрво", која со своите 634 метри е највисоката кула во светот. Токиското небесно дрво нуди панорама од 21 - виот век. Што се можеме да видиме во следните 200 години? Такви се футуристичките соништа што овој град ги носи. Вечера. Ноќевање.

Ден 6 | Јокохама / ез. Ашиноко / ез. Кавагучи
Појадок. Се упатуваме кон младиот град Јокохама (Jokohama) - морскиот портал на Јапонија кон светот. Денес тешко можеме да кажеме каде завршува Токио и каде започнува Јокохама - така се израснати двете населби кои заедно ја формираат агломерацијата Кеихан. Во прво време постоело како мало рибарско село, а големиот бум за Јокохама започнал во 1854 година, кога е потпишан договор за отворање на пристаниште за надворешна трговија, токму во Јокохама. Спектакуларен е погледот кон областа Минато Мираи (Пристаниште на иднината). Меѓу многубројните високи згради тука доминантна е Лендмарк Тауер - втората највисока зграда и четвртата по височина градба во Јапонија. Во неа е конструиран и најбрзиот лифт во светот, запишан во Гинисовата книга на рекорди. Лифтот се движи со брзина од 750 метри во минута, а до 273 метри стигнува за нешто повеќе од 20 секунди. Погледот е повеќе од импресивен и фасцинантен. На горните катови на облакодерите се наоѓа Ројал Парк Јокохама кој нуди прекрасен поглед на пристаништето и неверојатната галерија - Скај Гарден (небесната градина). Ќе го видиме и  прекрасниот мост Хoнмоку - Даикоку (860 m), често споредуван со мостот Голден Гејт во Сан Франциско. Јокохама е модерна метропола која што има уште многу што да покаже, но ние ќе го посветиме остатокот од денот на средба со величествената природа на Јапонија. Обожуваната Фуџијама ("јама" значи планина) за јапонците е нешто како Балканот за нас. Елегантниот конус на Фуџи заедно со изгрејсонцето се симболите на Јапонија. Се претпоставува дека името Фуџи доаѓа од името на божицата на огнот Фучи, а јапонците планината ја нарекуваат Фуџи - сан, што значи господин Фуџи, со што се обраќаат кон планината, изразувајќи почитување како кон енормно почитуван човек. Со својата височина од 3776 m, изумрениот вулкан е највисокиот врв во Јапонија. Вулканот е дел од националниот парк Фуџи - Хакон - Изу. Фуџи (Fuji) е планина благословена со кристално чисти води и минерални извори. На северните падини на врвот се наоѓа волшебната област на петте езера на Фуџи - Кавагучи, Мотосу, Саико, Шоџи и Јаманака. Во античкото време, лава од ерупција на вулканот била причината за формирање на езерата. Пред да се сместиме во хотел во регионот на петте езера, ќе направиме прошетка со туристички брод по езерото Аши (кратерно езеро, кое се појавило пред околу 3000 години од ерупцијата на вулканот на врвот Хаконе) што денес привлекува бројни туристи поради живописниот пејзаж. Вечера. Ноќевање.

Ден 7 | езеро Кавагучи / 5 - та станица на Фуџи / замок Мацумото / фарма за васаби Даио / Мацумото
Појадок. Почетокот на денот ќе го посветиме на пејзажите кои се наоѓаат од подножјето на Фуџи до искачувањето на планината. Особено убава е глетката кон Фуџи од езерото Кавагучи, коешто е најпознатото од петте езера и многу често негови слики се користат за плакати и реклами. Фуџи не само што се смета за уникатна творба на природата, туку завзема и важно место во будистичката религија. Многу митови и легенди се поврзани со планината претворајќи ја во центар на религиозно размислување. Според нив таа е порта кон надворешниот свет, а нејзиниот врв се смета за Светилиште. Дури и според древната јапонска религија наречена шинтоизам, сè на овој рид е населено со духови и богови. Искачувањето до 5 - та станица на Фуџи, расположена на 2305 метри надморска височина (Ако временските услови дозволуваат), не маѓепсува со еден неверојатен и неспоредлив поглед на околината. Стотици уметници и фотографи ова го овековечиле на своите платна и ленти, а многумина писатели со зборови и мисли ја изразиле убавината на ова место. Но, само оние кои виделе со свои очи знаат дека ниту една слика и ниту една поема не можат да предизвикаат такво воодушевување и восхит, какво што човек чувствува кога ќе застане очи во очи со Фуџи. Се упатуваме кон историскиот град Мацумото, дел од областа Нагано, лоцирана во источниот дел на Јапонските Алпи (се мисли на трите планински масиви Хида, Кисо и Акаиши). Градот е фундаментален за јапонската култура, бидејќи во него се наоѓа еден од најстарите замоци на територијата на Јапонија. Замокот Мацумото е од типот "hirajiro", што во превод значи "замок во рамнина", што ни кажува дека не е типичен за замоците кои се поставени на рид или во планина, каде што всушност се наоѓа. Познат е и како замокот Гарван поради тоа што на фасадата преовледува црната боја. Оваа тврдина, која се смета за една од трите најсофистицирани во Јапонија, е опкружена со голем заштитен ров. Како и повеќето јапонски замоци и овој има таен кат. Нашиот ден ќе заврши со посета на една од најголемите јапонски фарми за васаби - фармата Даио. Нејзиното име е поврзано со локалниот херој Хачимен Дајо, кој се смета за чувар на фармата. За одгледување на васаби е потребно оддржување на исклучително чисти услови и со таа цел фармерите обезбедуваат за секое растение васаби кристално чиста вода преку мрежа од мали потоци, придвижувани од планинските води на Северните Алпи. Откако ќе заврши пријатната и освежувачка прошетка по патеките меѓу широките полиња и реката, можете да се упатите кон некој од рестораните или продавниците на фармата и да пробате различни производи со главна состојка, васаби - паста, нудли, колбаси, сосови, пиво, сок, чоколадо и најчесто порачуваниот сладолед со васаби - ќе бидете изненадени од неговиот вкус. Сместување во хотел во Мацумото. Вечера. Ноќевање.

Ден 8 | парк на мајмуните Џигокудани / Етно село Хида / Такајама
Појадок. Денес ќе започнеме со едно необично место - Џигокудани или паркот на "снежните" мајмуни. Се наоѓа на 850 метри надморска височина, во долината Јокоју. Паркот е познат низ целиот свет поради неговите интересни жители - јапонските макаки кои што се вљубени во термалните извори. Тие уживаат во топлата вода и ги затвораат очите од задоволство. Уште од своето создавање, Џигокудани постепено почна да се здобива со популарност како единствено место каде што можете да ја посведочите опишаната глетка. Го продолжуваме нашето патување кон срцето на Јапонските Алпи, каде што не очекува градот Такајама - лоциран покрај реката Мијагава. Настанал на мал рид на кој што бил изграден истоимениот замок, а низ својата речиси 400 - годишна историја тој развивал своја култура и традиции, што секако игра голема улога во неговата изолација од останатите региони на Јапонија. Квартот Саномачи е како една возбудлива рефлексија на старата Јапонија, со прекрасни стари улици и градби. Оваа импресивна атмосфера ја дополнуваат производите на локалните мајстори. Станува збор за фини дрвени лакирани предмети и прекрасна керамика. Ќе ве однесеме до навистина автентична атмосфера, зачувана во етнографскиот резерват Хида. Тоа е еден вид на музеј под отворено небо, каде што се собрани традиционалните јапонски куќи од изминатите два века. Тие импресионираат со своите чисти форми и се совршено прилагодени на обилните снежни врнежи кои траат со месеци. Селските куќи се изградени во архитектонскиот стил карактеристичен за овој регион, гашо зукури - дрвени куќи, во чии конструкции воопшто нема шајки или други метални материјали, а нивните специфични сламени покриви, кои речиси допираат до земјата го даваат името на стилот - изгледаат како две раце склопени за молитва. Во 30 - тината куќи се изложени битови предмети кои биле дел од животот и културата на планинските села. Не можеме да го изоставиме и фактот дека овој регион е познат и по производството на саке. Секој љубител на ова оризова напивка, не смее да ги одмине продавничките во централниот дел на Такајама, добро претпознатливи по нацртаните буриња пред влезовите. Околу градот Такајама има 5 минерални извори кои во Јапонија се нарекуваат онсен. Онсен завзема важна улога во јапонската култура и веројатно нема јапонец кој што не умее да ужива во релаксирачкото влијание на топлата вода. Нашето ноќевање оваа вечер исто така ќе биде во хотелот со онсен. Едно е сигурнo - на јапонски начин, посетата на едно такво место се претвора во едно незаборавно задоволство за телото, сетилата и умот. Таквата комбинација зачинета со многу внимание и префинетост може да се најде на многу малку места во светот. Вечера. Ноќевање.

Ден 9 | Такајама / Кјото
Појадок. Денес ни претстои можеби највозбудливaта средба за време на нашето патување - средбата со "големиот антички музеј на Јапонија", како што го нарекуваат Кјото. Ова е градот во кој се чини дека е собрана сета Јапонија. Цели 11 века од својата 12 - вековна историја, градот бил главен град на Јапонија. Во 794 година, царот Каму ја преселил царската резиденција од Нара во Кјото. До 1185 година градот го носел името Хеиан - кио ("главниот град на спокојството и мирот"), по што бил нарекуван со различни имиња - Мијако ("Императорска престолнина"), Саикио ("западната престолнина") и денешното име Кјото ("Главен град"). Во 1868 година, царската резиденција била преместена во Едо (денешно Токио). Во градот има дури 17 објекти кои се дел од списокот на светско наследство на УНЕСКО, а 1 / 5 од историско - архитектонските споменици на градот се прогласени за национални богатства на Јапонија. Главните знаменитости на Кјото се околу 2000 - те храмови (400 шинтоистички и 1600 будистички) и будистичките пагоди, бројните палати и паркови. Денешниот ден ќе го посветиме на двата храма кои се симбол на Кјото. Ќе започнеме соКинкакуџи (Златниот павилјон) - зен будистички храм во подножјето на северните планини (Китајама), чиј што последни 2 спрата се целосно покриени со злато. Изграден е како одлбесок на екстравагантната култура Китајама која се развивала меѓу богатите аристократски кругови на Кјото во тоа време. Секој кат носи различен архитектонски стил и неговите градини се со оригинален дизајн. Храмот послужил како инспирација за изградба на Гинкакуџи (Сребрениот павилјон) во подножјето на источните планини (Хигашима). За разлика од златниот, Сребрениот павилјон никогаш не бил покриен со сребро. Се верува дека името го добил како контраст на минатовековната градба, Кинкакуџи. Другата верзија за потеклото на името гласи дека месечевата светлина, рефлектирајќи се на темната фасада која што некогаш била прекриена со црн лак, давала сребрен одблесок. Интересен дел од комплексот е прецизно зачуваната песочна градина, позната како "Море од сребрен песок", со масивен песочен конус наречен "Платформа за набљудување на месечината". Иако припаѓаат на исто семејство, сепак двата храма се сосема различни и тоа не само по нивната намена. Гинкакуџи се претвара во центар на модерната култура, позната како културата Хигашима која има влијание врз целата земја, а една од уметностите, кои се развивале и усовршиле во тоа време е чајната церемонија на која ќе го посветиме остатокот од денешната програма. Во церемонијата се вклучуваат пет сетила - визија, сензација, мирис, слух и вкус. Многубројните процедури на чајната церемонија бараат долги години на обука за да се достигне мајсторството, како и широк спектар на вештини. Прецизноста при сервирање на чајот создава задоволство, а филозофијата на церемонијата можеме да ја резимираме како - "Патот на чајот е пат на спасение преку убавина". Вечера. Ноќевање.

Ден 10 | Кјото (градината Риоанџи, храмот Киомизу, Фушими Инари, Бамбусовата шума)
Појадок. Денешниот ден ќе го започнеме со посета на едно од најзначајните места во Кјото - познатата филозофска градина на храмот Риоанџи, основана во втората половина на 15 - тиот век во стилот "сув пејзаж". Во неа на површина од 100 квадратни метри се наредени 15 црни камења, слични на морските острови. Каде и да застанеш, гледаш 14 камења и еден секогаш останува скриен за твојот поглед. Филозофот сакал да покаже дека не сè во светот е потчинето на нашите сетила и дека на човечкиот вид можат да му избегаат многу работи, покажувајќи ја предноста на колективот, кој има можност да ги воочи сите камења. Следната станица ќе ни биде еден од најомилените будистички храмови во Јапонија - Кијомицу. Создаден е во 780 година во шумските ридови на источно Кјото, при водопадот Отова, по што и го добива името - храмот на Чистата вода. Поставен навидум несигурнo на една стрмна падина, храмот ни дава прекрасен поглед на градот. Надвиснатите дрвени греди се вистинско архитектонско чудо и не случајно овој храм спаѓа во највредните национални богатства. Продолжуваме кон јужно Кјото, каде се наоѓа Фушими Инари - едно од најстарите (711 гoдини), најважни и почитувани шинтоистички светилишта. Познато е по илјадниците светли портокалови тории, кои се сместени во мрежа од патеки зад главните градби на светилиштето. Патеките водат кон пошумената гора на ридот Инари, кој му припаѓа на храмот. Фушими Инари е најважниот од неколкуте илјади светилишта посветени на Инари - шинтоистичкиот бог на оризот. Лисиците се сметаат за гласници на Инари и тоа е причината поради која ќе видите многу статуи на лисици во областа на светилиштето. Обиколката ја завршуваме упатувајќи се кон западниот кварт на Кјото - Арашијама, познат по импресивната бамбусова шума Сагано - една од најголемите атракции на Јапонија. Јапонците гаат посебна почит за бамбусот. Во нивната култура тој е симбол на благосостојба, мир и долговечност и олицетворение на машката волја и непобедливост. Денес е многу ретко да се видат бамбусови шуми во нивната природна состојба, како што е Сагано. Неодамна оваа гора беше вклучена во топ 100 звучни пејзажи на Јапонија и неслучајно, бидејќи - ветрот ги тера стеблата да крцкаат мистериозно, листовите се раздвижуваат во вистински театар на сенки и шумата магично оживува. Кјото е и градот на гејшите, а населбата Гион е најпознатото место со ресторани и чајни куќи, каде што се појавуваат геико (гејша) и маико (ученички на гејша). Гион ги привлекува туристите со концентрацијата на традиционални дрвени куќи. За крај, бидејќи Кјото е пример за јапонската класична кујна, ќе завршиме со традиционална вечера во јапонски стил. Вечера. Ноќевање.

Ден 11 |  Нара / Осака
Појадок. Денес ќе се обидеме да се вратиме уште поназад во времето и за таа цел ќе се упатиме кон класичната јапонска престолнина Нара (710 година - 784 година), во чија што непосредна близина била изградена првата постојана императорска резиденција. Императорот Шому (710 година - 756 година) бил најфанатичниот распространувач на будизмот и ја претворил Нара во најважен будистички центар на Јапонија и тоа лесно се воочува во храмовиот комплекс Тодајиџи (Големиот источен храм). Императорот Шуму имал амбиција да подигне статуа на Буда во главниот град Нара, која би била најголема во светот. Со негова наредба почнало собирањето на бронза и во 748 - та година статуата на големиот Буда била подготвена. Висока 15 метри и тешка приближно 440 тони, таа е една од симболичните и најголеми статуи на Буда во Јапонија и се наоѓа во главната сала на храмот - Даибуцуден, која се смета за најголемата дрвена градба во светот. Малиот храм на Касуга бил изграден во 768 како светилиште, а денес има 300 висечки фенери. Според легендата, божеството на кое што е посветен храмот дошло во Нара, јавајќи елен. Така елените станале свет симбол на Нара и веќе 1000 години се нејзини почесни жители. Денес 1100 елени се движат слободно низ паркот, а јапонците ги доживуваат како свештеници од храмовите, како симболи на верниците, а за туристите се вистинска атракција. Тука се продаваат специјални колачиња (шика сенбеи) и со нив можете лично да ги нахраните елените, кои во знак на благодарност јапонски ќе ви се поклонат. Продолжуваме кон големиот многувековен град, сместен во една од неколкуте рамнини на Јапонија, на делтата на реката Јодо - градот Осака.

Кога Токио (Едо) бил рибарско село, Осака веќе бил многувековен град, познат под името Нанива - една од најстарите престолнини на Јапонија. Дури и кога императорскиот двор бил преселуван во Нара односно Кјото, Нанива останувал главен трговски транспортен центар поради пристаништето Сакаи, преку кое земјата за прв пат се отвора кон светот и со таа причина градот многу чесно е нарекуван "портата на Јапонија". Пред да стигнеме до хотелот, ќе направиме пауза за фотографии пред замокот Осака ("Големиот Рид"). Изграден е во 1586 година по наредба на Тоиотоми Хидејоши среде парк, опкружен со 12 - метарски ров, полн со вода. Денес тој е гордоста на локалните жители, кои освен тоа што умеат да ја почитуваат својата историја, ги поседуваат и современите трговски таленти, претприемачки дух и економска иницијатива. Градот е царство на електрониката и кулинарството. Велат дека во Токио парите се трошат на обувки, во Кјото - на кимоно, а во Осака - во ресторани. Едно од најшарените катчиња на Осака е околината на улицата Дотонбори, каде што преовладува кулинарната мода во Јапонија. Тука ќе ги сретнете најдобрите готвачи и најголемите гастрономи. Ние ви препорачуваме да се прошетате и до најубавата улица Мидосуџи, која минува низ центарот на Осака, украсена со гинкови дрвја, кои што со своето нежно зеленило ја претвараат широката 44 - метарска улица во сенчест дрворед. Таа е долга 4 километри и ги поврзува главните забавни центри на Осака - Намба и Умеда. Близу до Умеда, на височина од 173 метри се издига облакодерот Умеда Скај, кој што се состои од две одделни кули поврзани преку "пловечка градина - опсерваторија", а секој што стигнал до оваа висина е награден со импресивната 360 - степенска панорама на градот, а за храбрите тука е и предизвикот "небесна прошетка" - отворена набљудувачка платформа на покривот на кулите. Погледот ја уловува и една од најпознатите згради во градот - Гејт Тауер, преку која поминува еден од магистралните патишта. Благодарение на интересната архитектонска мисла и нејзиното исполнување, Умеда Скај е официјално прогласена за зградата во која се сместени најдолгите ескалатори. Таа е една од најинтересните градби во градот и доколку учествува во натпревар за оригиналност, дефинитивно ќе биде помеѓу најтесната конкуренција. Вечера. Ноќевање.

Ден 12 | Осака / *полудневна екскурзија до замокот Химеџи / Токио
Појадок. Слободно време во кое ви предложуваме да го сложите последниот важен дел од сложувалката Јапонија - *полудневна екскурзија до замокот Химеџи - еден од трите најпознати замоци во јапонската историја. Заедно со замоците Мацумото и Кумамото, тој го затвора триаголникот на неверојатните архитектонски достигнувања на оваа нација. Тој е најпосетениот и можеби најубавиот замок во Јапонија. Неговата градба започнала во 1346 година, првично наликувајќи на тврдина. Два века подоцна е претворена во класичен замок, а денешниот изглед се должи на Икеда Терумаса, којшто во периодот 1601 - 1609 значително го проширил замокот, крева импозантна тврдина, оградена од заштитен ров по кој течат масивни водопади. Еден од најважните елементи на заштита од напади над тврдината, а можеби и најпознатиот, е збунувачкиот лавиринт од патеки кои водат до Централната кула. Главниот влез, дворот и надворешните ѕидови на комплексот се организирани на начин што ќе го натера пријателот да лута низ долги спирали од патеки без никаков исход. Во тоа време чуварите ја набљудуваат ситуацијата од кулите и се стекнуваат со време за реакција. Замокот никогаш не бил нападнат, не преживеал земјотреси или пожари и тоа го поставува на листата на 12 - те замоци во Јапонија, кои до ден денес го задржале првичниот изглед. Дворцевиот комплекс во тврдината е наречен Замокот на белата чапја, поради брилијантно белиот екстериер и уникатно дизајнираната архитектура која потсетува на птица која раширува крилја за време на лет. Во 1993 година, Химеџи станал еден од првите јапонски локалитети кои се запишале на листата на светско наследство на УНЕСКО. Враќање во Осака. Слободно време. Превоз до железничката станица на Осака, од каде што ќе отпатуваме за Токио со експресен воз Шинкансен (вечера во возот). Пристигнување во Токио. Превоз до хотелот. Ноќевање.

Ден 13 | Токио / Скопје
Појадок.До пладне ослободување на собите. Слободно време до часот за упатување кон аеродромот. Превоз до аеродромот Нарита за лет кон Македонија. Полетување кон Скопје со едно преместување.

Ден 14 | Скопје
Пристигнување во Македонија.

ЦЕНИ И АРАНЖМАН

ЦЕНИТЕ обележани со розево се валидни  за резервации до 30.09.2018 година  со уплатен депозит во износ  од 1300 €

Цената на пакетот вклучува: 

  • Авиобилет Скопје - Токио - Скопје;
  • Аеродромски такси (384 € од 29.06, кои се предмет на потврда);
  • Билет за експресен воз Осака - Токио од мрежата Шинкансен;
  • Трансфер аеродром - хотел - аеродром;
  • Трансфер хотел - железничка станица - хотел;
  • Трансфер со климатизиран минибус / мал автобус;
  • 11 ноќевања со појадоци и 10 вечери, односно:
    • 4 ноќевања со појадоци и 2 вечери во Токио во Metropolitan Hotel 4**** (или сличен);
    • 1 ноќевање со појадок и вечера во Нико во Kinugawa Gyoen Ryokan**** (или сличен);
    • 1 ноќевање со појадок и вечера на езерото Кавагучи во регионот на Фуџи во Jiragono Fujino Yakatahotel  3*** (или сличен);
    • 1 ноќевање со појадок и вечера во Мацумото во Buena Vista Hotel 4**** (или сличен);
    • 1 ноќевање со појадок и вечера во Такајама во Онсен хотел Hida Plaza 4****  (или сличен);
    • 2 ноќевања со појадоци и 1 вечера во Кјото во хотел Kyoto Century 4**** (или сличен);
    • 1 традиционална јапонска вечера во Кјото;
    • 1 ноќевање со појадок и вечера во Осака во хотел Osaka Sheraton Miyako 4**** (или сличен);
    • 1 вечера (сув пакет) во воз за патувањето од Осака до Токио;
  • Чајна церемонија во Кјото;
  • Посета на крајбрежниот парк Хитачи;
  • Посета на езерото Чузенџи и водопадот Кегон;
  • Посета на храмовиот комплекс Тошогу во Нико;
  • Посета на паркот на цвеќињата во Ашикага;
  • Посета на музејот на бонсаи во Ома;
  • Панорамска обиколка на Токио со вклучена посета на храмот Канон и фото - пауза пред кулата Токио;
  • Панорамска обиколка на Јокохама со посета на регионот Минато Мираи и фото - пауза пред кулата Лендмарк и мостот Хонмоку - Даикоку;
  • Крстарење по езерото Аши;
  • Искачување до 5 - тата станица на Фуџи;
  • Посета на замокот Мацумото;
  • Посета на фармата за васаби Даио;
  • Посета на паркот на „снежните” мајмуни Џигокудани;
  • Посета на етното село Хида до Такајама;
  • Посета на павилјоните Кинкакуџи и Гинкакуџи во Кјото;
  • Панорамска обиколка на Кјото со вклучени влезници за храмовите Риоанџи и Киомицу, светилиштето Фушими Инари и бамбусовата шума Сагано;
  • Посета на храмот Тодаиџи и паркот на елените во Нара;
  • Фото - пауза пред замокот Осака;
  • Локален водич на англиски јазик за време на целото патување;
  • Такса за локални водачи и возачи;
  • Водич - преведувач од Македонија за време на целото патување;

Дополнителни настани по желба, валидни при минимум 10 пријавени туристи:

  • Полудневна екскурзија „Посета на замокот Химеџи” со вклучен транспорт, локален водич и влезница - 97 €;
  • Вечерна посета на Умеда Скај со локален водич, вклучена влезница и билети за градски транспорт - 33 €;
  • Доплаќање за осигурување "Помош при патување" на ЗК "Евроинс" за лица над 65 години: 30 лв;
  • По желба при склучување на договорот и оставање на првичниот депозит - склучување на осигурување “Откажување на патување” на ЗК Евроинс или ЗК Алианц;

Забелешка:
Дополнителните настани се предмет на регистрација и плаќање во Македонија. Можна е промена на некои од предвидените хотели, задржувајќи се до нивната категорија и местоположба.

Парична единица: Јапонски јен (1 € ~ 128 JPY);

Минимален број туристи за реализација: 15;

Неопходни документи:  

  • Меѓународен пасош со 6 - месечна валидност од датата на враќање;
  • Нема задолжителни барања за имунизација за патување во Јапонија;
  • За деца помлади од 18 години кои патуваат без еден или без двајцата родители се бара оригинал и копија од нотарски заверена потврдна изјава од еден или двајцата родители (зависно од ситуацијата), кои што придружникот на детето треба да ги покаже на граничните власти!!!

Начин на плаќање:
Депозит во размер од 1300 € при пријавување до 30.09.2018 година. По стандарден пат - 50% од цената на пакетот при склучување на договор и доплата на останатиот износ - 60 дена пред денот на поаѓање.

357

Leave a comment

You are commenting as guest.