Тасос

Тасос е најсеверниот остров на Егејскиот архипелаг. Заради  бујната вегетација, честопати  го нарекуваат „Зелениот Остров“. До него се пристигнува по убав автопат од Солун преку Кавала до Керамоти, од каде со фериброд  се преминува на островот. Пловидбата трае околу 40 минути. Наближувајќи се кон најголемото пристистаниште во главниот град Лименас, добивате впечаток дека се движите кон „шумата која плива“. На Тасос постојат околу 70 целосно или половично уредени плажи и којзнае колку мали, полудиви и диви заливи. Ние сепак нашата летна понуда ја ограничивме на Потос, гратчето кое е единственото место на островот кое има душа и ја има најубавата песочна  плажа на целиот остров.