СИЦИЛИЈА е најголемиот остров во Средоземното Море и еден од 20-те региони на Италија. Тој е еден од петте италијански автономни региони и официјално се нарекува Регион Сицилијана и нејзин главен град е Палермо. Сицилија е во центарот на Средоземно Море, јужно од италијанскиот полуостров во континентална Европа, од кој е одвоена со тесниот теснец Месина. Нејзиното најистакнато обележје е Етна, еден од највисоките активни вулкани во Европа и светот, моментално висок 3.357 m. Островот има типична медитеранска клима и е познат по своите катедрали, лозја, плажи и неверојатна архитектура. Операта во Палермо и барокните цркви на УНЕСКО во Ното и Модика се светски познати сицилијански архитектонски знаменитости, заедно со грчките храмови на долината на храмовите лоцирани во Агриџенто...

Од 1860 година, Сицилија е официјален дел од Италија. Прво, островот беше споен со Кралството Сардинија, а подоцна Кралството Сардинија се спои со Кралството Италија. Од 1946 година, Сицилија е автономен остров во рамките на Италија.

1 ДЕН (27.09.’24 - петок) : БИТОЛА - ДРАЧ

Состанок на групата на Градската Автобуска Станица во 13.30 часот...поаѓање за Албанија во 14.00 часот. Патот води преку г.п. Охрид, Струга, Елбасан...пристигнување во Драч околу 19.30 часот. По краткиот одмор и чекирањето на билетите – трансфер на фери брод околу 21.00 часот. Испловување за Италија во 23.00 часот. Ноќевање.

2 ДЕН (28.09.’24 - сабота) : БАРИ - МЕСИНА - САН АЛЕСИО

Пристигнување во Бари околу 08.00 часот. Патот продолжува кон Вила Сан Џовани – Реџо Калабрија од каде со траект преминуваме на Сицилија...пристигнување во Месина во попладневните часови...се упатуваме на југ – до познатото туристичко место Сан Алесио Сикуло, каде се сместуваме во хотел...Ноќевање.

3 - 8 ДЕН (СИЦИЛИЈА) :

Уживајте овие денови во кристално чистите води на Јонското море, Сицилијанската гостопримливост, неверојатно вкусната кујна, запознајте се и воодушевувајте се на културно-историското наследство на MAGNA GRECIA!!!

9 ДЕН (05.10.’24 - сабота) САН АЛЕСИО - МЕСИНА - Вила САН ЏОВАНИ – БАРИ

Појадок. По појадокот - одјавување од хотелот и заминување за Бари...патот води преку Месина, вила Сан Џовани, Таранто...пристигнување во Бари во касните попладневни часови, со кратки попатни паузи. Трансфер на траект. Испловување за Албанија во 23.00 часот. Ноќевање.

10 ДЕН (06.10.’24 - недела) ДРАЧ - БИТОЛА

Пристигнување во Драч околу 08.00 часот. Патот продолжува кон Македонија...пристигнување во Битола во пладневните часови.

 

ЦЕНА НА АРАНЖМАНОТ : 30.940,00 денари (499 €)

 

 ЦЕНАТА НА АРАНЖМАНОТ ВКЛУЧУВА :

- Автобуски превоз на горенаведената релација;

- Бродски превоз Драч – Бари - Драч (билет за “deck” - седишта);

- Бродски превоз Вила Сан Џовани – Месина – Вила Сан Џовани;

- 7 НП во хотел со 3* во близина на Таормина (Сан Алесио Сикуло);

- Организација, водство и реализација на аранжманот;

ДОПЛАТИ :

- ДОПЛАТА (FERRY - брод) за двокреветна кабина – 20 € по лице во правец, доплата за трикреветна кабина - 15 € по лице во правец, доплата за четирикреветна кабина – 10 € по лице во правец);

- ДОПЛАТА за 1/1 соба : 9.610,00 ден. (155 €);

 

ЦЕНАТА НА АРАНЖМАНОТ НЕ ВКЛУЧУВА :

- Факултативните излети и посети;

- Влезниците при посета на културно-историските споменици;

- Патничкото осигурување – БЕЗ ФРАНШИЗА;

ВАЖНО : Потребен број на патници за изведување на факултативата е 25.

 

ОПИС на ФАКУЛТАТИВАТА :

 

1.МОНРЕАЛЕ - ПАЛЕРМО Факултативен излет за главниот град на овој прекрасен остров – ПАЛЕРМО...Откријте ги историските споменици на Палермо и научете ја фасцинантната историја на градот, од неговото раѓање под Феникијците преку Римската Република и Византиската империја до денес, со претходна посета на малото место Монреале и велелепната катедрала...MONREALE потекнува од латинскиот Mons regalis што значи „Планина достојна за кралот“. Првично беше арапска селска куќа, но доби историско значење дури во 1174 година кога Вилијам II ја изгради познатата катедрала и блискиот Бенедектински манастир. Наскоро таа стана една од најголемите и богати архиепископии на цела Сицилија, а внатре во тоа време имаше различни видови религиозни редови. Во 1700 година, надбискупот Теста ја изградил улицата за спојување на Монреале до блискиот Палермо. Катедралата во Монреале е важна по своите прекрасни внатрешни мозаици меѓу нив е и ликот на Христос Пантократор (Семоќниот Христос) кој се истакнува по својата величественост во наосот. Претставува вредна мешавина на исламска, византиска и романескна архитектура. Споен со него има прекрасно Чиостро (манастир). Тука се и Palazzo Vescoville (Архиепископскаta палата) и црквата на планината. Изградбата на ова ремек-дело на норманската уметност на Сицилија започнала во времето на Вилијам II во 1174 година и била завршена неколку години подоцна; затоа катедралата има стилска кохерентност која ретко се среќава во други антички градби. Однадвор, можете да се восхитувате на прекрасните врати, елегантниот трем од XVI век на Гагини и богато украсената апсида, покриена со испреплетени сводови и полихромна лава и варовнички влошки. Во внатрешноста, ќе го видите неговиот неверојатен сет на мозаици на златна позадина. Мозаиците, кулминација на големата слика на Христос Пантократор, се создадени помеѓу XII и XIII век и претставуваат приказни од Стариот и Новиот завет. Тоа е најголемиот целосен циклус на византиската традиција. Бенедиктинскиот манастир (XI век) е апсолутно неверојатен...внатре, не можете да ја пропуштите ориенталната фонтана, опкружена со четиристрана колонада. Додека сте во Монреале, исто така предлагаме да ги посетите остатоците од Норманската кралска палата, семинарот, Chiesa del Monte, украсени со штука од Serpotta, црквата Collegio di Maria (XVII век), црквата Collegiata (XVII и XVIII век) приватни згради и погледот кој го одзема здивот, со поглед на Conca d'Oro (златниот залив). Продолжуваме за Палермо...талкајте по кривулестите улици на Политеама за да ги видите легендарните градби како што се Teatro Politeama и Teatro Massimo, една од најголемите театарски и оперски куќи во Европа. Дознајте за арапско-норманската ера и религиозните обреди на места како што е Capela Palatina (Палатинска капела) од 12.век во Palazzo Reale, воодушевувајте се на прекрасната фасада на катедралата во Палермо, која се карактеризира со различни архитектонски стилови, од готската до раната ренесанса и барокот. Дознајте повеќе за скриените богатства на историскиот центар и слушнете неверојатни приказни кои ве водат на патување низ времето...посета на Porta Felice (XVI век), Fontana Pretoria (XVI век), Quatro Canti (XVI век), piazza Belinni, црквата Santa Maria – Мраморна (XII век), Teatro Massimo (XIX век), Palazzo dei Normanni, Catedrale di Palermo...слободно време за индивидуален разглед на градот. Враќање во хотел во раните вечерни часови. ЦЕНА по ЛИЦЕ : 45 € (влезница за Монреале – на лице место)

 

2. МОДИКА - НОТО – СИРАКУЗА Овој факултативен полудневен излет ќе Ве воодушеви...НОТО – гратче кое го дава името на на целата област “Долината на Ното“, заштитена од UNESCO, позната по типичниот Сицилијански барок. Градот е наречен уште и “Камена Градина“, израден по земјотресот од 1693.година, познат е по сценските скали и плоштади кои претставуваат тераси на различни нивоа пред многубројните цркви и палати изработени од локален камен со златна боја...градот низ Кралската порта не пренесува во минатото на барокот...прошетка покрај црквата San Francesco и Бенедиктинскиот манастир на плоштадот на Безгрешна Богородица, а преку главната улица Vittorio Emanuelle стигнуваме црквата Св.Спас и плоштадот помеѓу палатата Duccecio и катедралата San Nicola…продолжуваме кон палатата Nicolaci за да се восхитуваме на познатите барокни балкони, за на крај да завршиме со третиот плоштад 26.Мај со фонтаната на Херкулес и градините на црквата Sanто Domеnicо и театарот на Ното...авантурата продолжува кон родното место на Архимед - СИРАКУЗА – еден од најважните градови на Античките Грци...прошетка низ историскиот дел на градот – островчето Ortigia…слатководниот извор на нимфата Arethusa, Градската Палата, храмот на Аполон, катедралата DUOMO (посветен на раѓањето на Света Марија) – изграден врз темелите на храмот кој во Античко време бил посветен на богињата Атина...слободно време за индивидуален разглед на стариот град...враќање во хотел во касните поладневни часови...и на крајот – одиме во МОДИКА град кој дефинитивно вреди да се посети. Тоа е едно од трите барокни чуда на јужна Сицилија; другите две се Рагуза и Ното. Сите три беа повторно изградени по разорниот земјотрес во 1693 година. Многу убав град, Модика е богат со архитектура и атмосфера и има многу прекрасни цркви. Заедно со седум други градови во Valle Di Noto, Модика е заведен меѓу местата за светско наследство на УНЕСКО. Прво окупиран од Сикелите, местото Модика подоцна било преземено од Грците и Римјаните. За време на Норманите тој стана округ, еден од најмоќните феуди во средниот век. По катастрофалниот земјотрес во 1693 година, Модика морал повторно да се изгради. До крајот на 17 век, Модика беше четвртиот по големина град во Сицилија. Денес – Модика е поделен на два дела, Modica Bassa (долниот град) и Modica Alta (горниот град). Секако, една од најголемите туристички атракции во Модика е велелепната Катедрала на Модика, сместена во „Горниот Град“, како и црквата San Pietro посветена на Св.Петар апостол... кога сте веќе во овој прекрасен Барокен град, не смеете да пропуштите да не пробате од надалеку познатата чоколада од Модика...Во текот на 16 век, чоколадото се правело по древниот метод на Ацтеките и тој метод во основа сè уште е задржан... Шеќерот се користи само во многу мал степен, а конзистентноста е зрнеста и се карактеризира со необични вкусови на лимон, ѓумбир, ванила, кардамон, чили пипер, цимет итн. Масата на какао варира од 70 до 100%...ЦЕНА по ЛИЦЕ : 40 €

 

3.КАТАНИЈА – ЕТНА – ТАОРМИНА Откријте ја природната убавина на Катанија на оваа пешачка тура...обиколка на замокот Ursino, прошетка по плоштадите, откривајки ги познатите места...Прошетајте низ центарот на градот со вашиот локален водич кој ќе ве фасцинира со историјата на истиот. Погледнете ги спомениците изградени пред неколку векови кои стојат до ден-денес. Многу од структурите на кои ќе бидете сведоци датираат од грчката колонизација на градот во 8 век п.н.е. Уживајте во оваа тура и видете ги следните знаменитости : плоштадот Duomo, црквата Santa Agata, Pecheria, Castello Ursino, плоштадот San Francesko, Театaрот Greco, плоштадот Dante, Via Gesuiti, scalinata Alesi, плоштадот Universita, плоштадот Vincenco Bellini, плоштадот San Placido…слободно време за индивидуален разглед на градот...продолжуваме кон единствениот жив вулкан во Европа – Етна (3.580 м.)...восхитувајте се на убавината и чудото на највисокиот активен вулкан во Европа, на 1980 м.н.в. На крајот од овој излет – се упатуваме кон бајковитиот, монденски, неверојатно романтичен град – ТАОРМИНА, град кој е неизбежен на картата на светскиот џет-сет при нивната посета на Сицилија...прошетка низ главната улица, ограничена со Porta Messina на исток и Porta Catania на запад, воодушевувајќи се на црквата San Giuseppe, Villa Communale, катедралата San Nicola, palazzo Corvaia, мноштвото бутици и продавници со „фирмирана“ роба, кафе-баровите и рестораните – надвиснати над камените тераси со неверојатен поглед кон Јонското море...враќање во хотел во вечерните часови. ЦЕНА по ЛИЦЕ : 35 €

 

НАПОМЕНА : Организаторот на патувањето го задржува правото да во случај на измена на цената на превозот, измена на девизниот курс, недоволен број на пријавени патници и слично, ја промени цената на патувањето. Во рамките на разгледувањето на градовите или локалитетите наведени во програмата, не се предвидени посети ниту обиколка на ентериери, јавни градби, институции и споменици на културата, освен кога тоа е посебно назначено. За патувањето во ЕУ патникот треба да поседува важечки пасош со важност од минимум 3 месеци од датата на завршувањето на аранжманот. Патникот е лично одговорен за исправноста и важноста на својот пасош, организаторот на патувањето не е овластен и не ја цени исправноста на патните и други исправи. За реализација на овој аранжман, потребен е минимум од 40 патници, во спротивно, крајниот рок за известување околу евентуален отказ на аранжманот е најкасно 5 дена пред датумот на поаѓање. Организаторот на патувањето го задржува правото за измена на редоследот на поедини содржини во програмата.

 

ПОСЛЕДЕН РОК ЗА ПРИЈАВУВАЊЕ : 10.09.2024 !!!