Хотел Mанастир 4**** - Берово
Локација: во Берово
Сместување: Сите соби се опремени со директна телефонска линија, мини бар, LCD-TV со кабловска, бесплатна безжична интернет конекција, бања со тоалет
Услуга: ВВ (ноќевање со појадок)
Содржини: три хотелски крила, СПА содржини, сала за семинари, две летни тераси, „чардак“, терен за тенис, мултифункционален терен за кошарка, фудбал и одбојка, детско игралиште и надгледуван паркинг простор.
Цените се дадени на ден по лице за сместување во соба според табелата.
Цените се изразени во EUR за уплати во денарска противвредност (1€=62 MKD).
Менито за оброците вклучува специјалитети приготвени според локални рецепти од домашни продукти, произведени во еколошкиот Малешевски крај.
- За појадок се послужува стандард шведска маса, надополнета со месени, млечни и други локални специјалитети:
- баница, пишии, јуфка, урда, ајвар, пинџур, овчо сирење со пиперки, слатко од диви шумски плодови, печена тиква, домашен бел и р’жан леб......
- Менито за ручек или вечера се состои од:
- Избор од разни видови супи за ручек
- Салатите се спремаат на повеќе начини користејќи локални градинарски продукти и шумски плодови , збогатени со млечни производи од малешевското поднебје.
- Главното јадење може да биде избор од Малешевска тава (со свинско,телешко или пилешко месо), клиси на тава, клиси со праз, свинска пилешка, ребро или врат приготвени под вршник, полнети беровски компири, полнети тиквици, качамак со ребра, и други стандардни оброци припремени на повеќе начини од телешко и пилешко месо. Од артикли за скара на жар покрај стандардното месо, може да се избере - Дедо Иљова и Малешевска плескавица како и колбас јатаган...
- Прилозите за главното јадење се најчесто од градините и нивите на локалните производители.
- Десертот е избор од бабина торта со слатко од шумски плодови, слатко од Беровска слива, палачинка ала манастир, сутлијач со јаболка, тиквеник, кох, пита од сливи, пита од јаболка и други локални колачи.
Моменти за Вашиот авантуристички дух
Берово е идеално место за сите љубители на природните убавини, спорт и рекреација, релаксирање. За оние кои го сакаат спортот во градот има две спортски сали и повеќе игралишта кои се соодветни за мал фудбал, кошарка, ракомет, одбојка и други спортски игри. Постојат и две тениски игралишта кои се наоѓаат во рамките на хотелскиот комплекс „Манастир“ и мотелот „Ловен дом“. Доколку пак сакате да пешачите, на територијата на Општина Берово има маркирано пет пешачки патеки. Дел од нив може да се искористат и за велосипедизам.
Specifications
- 4 Ѕвезди